SARS-CoV-2 IgG II Quant тестот е дизајниран да ја одредува групата на имуноглобулини G (IgG) антитела, вклучувајќи неутрализирачки антитела, на подрачје на врзувачки рецептор (RBD) на S1 субединицата на “spike” протеинот на SARS-CoV-2 во серум и плазма од индивудуи за кои има сомнеж дека ја имаат корона вирус болеста (COVID-19) или во серум и плазма на индивидуи кои може да биле заразени од SARS-CoV-2.
Периодот на инкубација на COVID-19 е меѓу 1 и 14 дена, а во најголемиот број на случаеви се јавува во период од 3 до 10 дена. Најчести симптоми на COVID-19 се треска, сува кашлица и тешкотии при дишењето. Може да се развие и силен респираторен дистрес синдром.
Присуството на IgG антитела овозможува идентификација на пациенти кои претходно биле заразени и оздравени од болеста и е корисно во серолошките испитувања за утврдување на распространетоста на SARS-CoV-2 инфекцијата во одредени групи или во пошироката популација.
Присуството на неутрализирачки антитела најрано може да се утврди меѓу 7 и 15 дена по појава на болеста, а истите можат да се детектираат неколку месеци.
Од испитувањата коишто се направени од страна на компанијата Abbott e востановено дека нема вкрстена реакција кај лица со други медицински состојби, вклучувајќи и болни од хумани корона вируси 229E, HKU1, NL63 или OC43.
Вредностите на антителата се изразуваат во AU/mL и тоа во многу голем опсег од 21–40 000 AU/mL или од 2.98–5680 BAU/mL.
Од досегашните истражувања заклучено е дека тестот за антитела може да помогне при:
1. Oдредување и следење на имунолошкиот одговор на вакцините, вклучувајќи и истражување за да се утврди колку долго трае одговорот;
2. Mерење на нивото на антителата создадени како резултат на природен одговор на вирусот или одговор на индукција со вакцина;
3. Проценка на нивоата на антитела за да се утврди потенцијалот за донирање на конвалесцентна плазма.
Мери Спасовска-Гичева, дипл. биохем.
Контакт:
ПЗУ ДИЈАГНОСТИКА ФАРМАХЕМ
тел.: 02/20 31 905, 02/240 33 55
моб.: 071/ 30 60 19
е-пошта: lab@farmahem.com.mk