PD-L1 IHC 22C3 pharmDx е квалитативен имунохистохемиски тест кој употребува моноклонални Mouse Anti-PD-L1, клон 22C3 антитела, за детектирање на PD-L1 протеинот во формалин-фиксирани, парафин-вградени (FFPE) клетки од канцер на бели дробови (NSCLC) и во меланомски ткива, со употреба на EnVision FLEX системот за визуелизација на Autostainer Link 48.
NSCLC
Експресијата на PD-L1 протеинот се одредува со употреба на Tumor Proportion Score (TPS), кој претставува процент на живи туморски клетки чии мембрани се целосно или делумно обоени независно од интензитетот. За еден примерок се смета дека има експресија за PD-L1 доколку TPS ≥ 1% и дека има висока експресија доколку TPS ≥ 50%.
PD-L1 IHC 22C3 pharmDx се користи при идентификување на NSCLC пациентите кои треба да подлежат на третман со KEYTRUDA® (pembrolizumab).
Меланом
PD-L1 IHC 22C3 pharmDx може да се користи за одредување на PD-L1 статусот кај пациенти со меланом, за кои треба да се препише терапија.
Китот содржи реагенси потребни за имунохистохемиско обојување (со исклучок на пуфер за перење), контролни препарати со различни степени на експресија на PD-L1 протеинот, како и детално упатство за работа. Китот е специфично подготвен за работа на Autostainer Link 48. Еден кит е доволен за изработка на 50 тестови (50 препарати инкубирани со моноклонални глувчешки-антитела за PD-L1 и 50 препарати инкубирани со соодветната негативна контрола, вкупно 100 препарати).